VOV4.Êđê -  Hruê anei 16/6, hruê mă bruă knhal tuč hlăm klei kƀĭn tal 3, bruă kƀĭn ala gưl 15, bruă kƀĭn ala tŭ ư bi klă 10 hdră mtrŭn leh anăn 2 klei bhiăn. Ti tlam, bruă kƀĭn ala klei kƀĭn bi ruê̆. 10 hdră mtrŭn leh anăn 2 klei bhiăn anăn jing: Hdră mtrŭn kơ bruă lông mkŏ mjing klei mă bruă, mtô mjuăt bruă mă kơ phung mnă ti êngao sang mnă, Hdră mtrŭn kơ bruă lông yua dŭm hdră êlan mđĭ kyar čar Khánh Hoà, hdră mtrŭn kơ bruă duh bi liê mkŏ mkra êlan dar 4 krĭng ƀuôn prŏng phŭn Hà Nội, hdră mtrŭn kơ bruă duh bi liê mkŏ mkra êlan dar mrô 3 ƀuôn prŏng Hồ Chí Minh, hdră mtrŭn kơ bruă duh bi liê mkŏ mkra êlan dơ̆ng pral Khánh Hoà – Ƀuôn Ama Thuôt (wưng tal 1), hdră mtrŭn kơ bruă duh bi liê mkŏ mkra êlan dơ̆ng pral Biên Hòa - Vũng Tàu (wưng tal 1), hdră mtrŭn kơ bruă duh bi liê mkŏ mkra êlan dơ̆ng pral Châu Đốc - Cần Thơ - Sóc Trăng (wưng tal 1), hdră mtrŭn ksiêm dlăng bruă hluê ngă hdră êlan, klei bhiăn ala čar kơ bruă čuăl mkă mơ̆ng hruê klei bhiăn čuăl mkă dưi ba yua, hdră mtrŭn kơ bruă êmuh leh anăn wĭt lač klei êmuh, hdră mtrŭn klei kƀĭn tal 3, bruă kƀĭn ala gưl 15, klei bhiăn mkra mlih, bi mbŏ dŭm mta hlăm klei bhiăn klei dưi kiă kriê leh anăn klei bhiăn mnia mlei ênua (mkra mlih).ư

Y-Ƀel pô mblang