Ăt hlam tlam mbrue 6/6, bruă kƀĭn ala bi leh hdră êmuh lehanăn wĭt lač klei êmuh ti anôk bi kƀĭn tal 7. Hŏng klei ênuah lehanăn mâo bruă klam. Anăn yơh jing jih jang klei phung bi ala ƀuh hlăm dua hruê mkrah mkŏ mjing klei êmuh lehanăn wĭt lač klei êmuh. K’iăng khua knŭk kna Trần Hồng Hà lehanăn 4 čô khua phŭn bruă, khua dhar bruă mâo klei wĭt lač kơ dŭm klei phung bi ala êmuh.

Phung bi ala bruă kƀĭn ala mâo leh dŭm klei êmuh khuăt đŭt, klă mngač, djŏ hŏng jih jang klei čiăng êmuh, amâo mâo lŏ mdăp ôh hlăm dŭm bruă dôk mjêč hŏng yang ƀuôn. Hŏng ai êwa mâo klei đua klam klei tui duah klei jăk, kñăm ruh mgaih jih klei dleh kpăk hlăm bruă duh mkra ala ƀuôn. Wĭt lač ti anăp bruă kƀĭn ala, k’iăng khua knŭk kna Trần Hồng Hà mñă hdră kiă kriê kñăm dưi mkhư̆ jih klei prăk luič ênoh, lehanăn mđĭ prăk mlan mơ̆ng hrue 01/7 tinăp.