Anăn jing, Hdră bhiăn lăn ala (lŏ mlih mrâo); Hdră bhiăn dŭm êpul bruă brei čan prăk (lŏ mlih mrâo) leh anăn 3 Hdră mtrŭn yuôm bhăn, hlăm anăn mâo Hdră mtrŭn kơ klei bhiăn, hdră êlan mdê hjăn čiăng ruh mgaih klei dleh dlan, gun kpăk, mđĭ hnơ̆ng hlue ngă dŭm Hdră kñăm ala čar leh anăn Hdră mtrŭn kơ klei bi kƀĭn tal 5, Bruă kƀĭn ala gưl 15.

Hruê mbruê, Dhar bruă kƀĭn ala tŭ mă, mkra mlih hră čih Hdră mtrŭn kơ dŭm klei bhiăn, hdră êlan mdê hjăn čiăng ruh mgaih klei dleh dlan, gun kpăk, mđĭ hnơ̆ng hlue ngă dŭm hdră kñăm ala čar. Hŏng klei bhiăn mbha gưl kdriêk Dhar bruă kƀĭn ala tŭ ư ruah hdră msir 2 čiăng hlue ngă Hdră mtrŭn. Khădah snăn, bruă ruah kdriêk čiăng hlue ngă  brei jao kơ Êpul gơ̆ng bruă ƀuôn sang čar bi mklă, mơ̆ng boh sĭt alŭ wăl čiăng ruah amâo êbeh 2 kdriêk ti grăp čar lông hlue ngă./.