Hruê anei (24/11), Bruă kƀĭn ala srăng bi mklă Hdră bhiăn dang kông mlih mrâo leh anăn bi trông ti anôk bi kƀĭn kơ hră čih Hdră bhiăn êlan dơ̆ng. Tlam, Bruă kƀĭn ala bi mklă Hdră bhiăn kriê dlăng, răng mgang hdră bruă lĭng kahan leh anăn wăl lĭng kahan, leh anăn srăng bi trông ti anôk bi kƀĭn kơ hră čih Hdră bhiăn klei êđăp ênang hlăm êlan klông.

Tlam  23/11, bi trông ti anôk bi kƀĭn kơ dŭm boh phŭn adôk mâo klei blŭ mdê mdê mơ̆ng hră čih Hdră bhiăn dŭm êpul bruă brei čan (mlih mrâo), lu phung bi ala Bruă kƀĭn ala lač anei jing hră čih Hdră bhiăn dleh ktuê dlăng, djŏ tuôm kơ klei êđăp ênang ngăn prăk ala čar, klei êđăp ênang mơ̆ng dŭm êpul bruă brei čan, hmăi kơ bruă duh mkra ala ƀuôn. Hră čih hdră bhiăn tal anei ka ba mdah ôh hdră kčah msir mgaih phŭn agha kơ klei brei čan mă mnga ktrŏ, hdră msir êdah klă amâo dưi mkhư̆ ôh klei ngă soh hgăm mơ̆ng bruă ngă mtŭk mtŭl hlăm knơ̆ng prăk.