Phung bi ala lač, Knŭk kna, Khua knŭk kna mđing dlăng gĭt gai, mâo lu hdră msir hrăm mbĭt, jih hnơ̆ng čiăng hlue ngă hdră tĭng tla knŭk kna. Hlăm anăn, prăk hrui wĭt knŭk kna thŭn 2022 êbeh hdră mĭn tĭng 28%, hrui wĭt mơ̆ng dŭm krĭng mnia blei knŭk kna, prăk bi liê mơ̆ng ala tač êngao êngao, bruă duh mkra êngao knŭk kna mâo êbeh hdră  mĭn tĭng, bi kna prăk bi liê hlue ngă hdră kñăm kơrŭ wĭt mđĭ kyar bruă duh mkra- ala ƀuôn thŭn 2022, rơ̆ng bi kna kơ bruă duh mkra, bi hrŏ nư knŭk kna leh anăn bi liê prăk knŭk kna.

Klah čŭn klei bi kƀĭn, K’iăng Khua bruă kƀĭn ala Nguyễn Đức Hải mtă kơ Knŭk kna msir mgaih klei mơĭt klei hưn mdah hdră tĭng tla êmưt; mbĭt anăn msir mgaih klei êdu kƀah hlăm bruă kriê dlăng, yua prăk knŭk kna msĕ si: klei hlue ngă bruă hrui mă, bi liê leh anăn čih mkra tĭng tla amâo djŏ, lăm lui hdră tĭng tla, ba prăk knhal jih thŭn mâo klei bi knăl đĭ, ăt adôk mâô klei kƀah jia, prăk brei ba jao, Ruh mgaih prăk bi liê knŭk kna leh anăn nư đuôm rŭ mdơ̆ng ăt adôk lu hlăm gưl alŭ wăl./.