Bruă kƀĭn ala bi trông hlăm sang bi kƀĭn kơ bruă hrui mă lăn, mbĕ anôk dôk mrâo mơ̆ng tač êdeh phiơr Long Thành
Thứ sáu, 09:58, 10/11/2023
VOV Tây Nguyên
VOV Tây Nguyên
VOV4.Êđê - Lŏ dơ̆ng hlăm klei bi kƀĭn tal 6, aguah mbrue 9/11 bruă kƀĭn ala bi trông hlăm sang bi kƀĭn kơ bruă bi mlih dŭm mta hlăm hdră mtrŭn mơ̆ng bruă kƀĭn ala, kơ klei čiăng ksiêm duah bruă dưi ngă bruă hrui mă lăn, bruă čiu hnô, klei đru, mkŏ mkra anôk dôk mrâo đuĕ mơ̆ng wăl rŭ mkra tač êdeh phiơr Long Thành.
Ti anôk trông čhai, khua phŭn bruă êlan klông dŭ mdiăng Nguyễn Văn Thắng brei thâo, mâo hĕ klei êmưt bruă mkra tač êdeh phiơr êngao kơ dŭm anôk bruă kiă kriê, klei hâo mdah mơ̆ng knŭk kna ăt bi êdah leh kyua knơ̆ng bruă sang čư̆ êa čar Đồng Nai lŏ mâo lu klei bi mlih hlăm hdră mă bruă.
Tui si phung bi ala, boh sĭt bruă mkra tač êdeh phiơr êmưt êdi, lehanăn tuôm hŏng lu klei dleh dlan. Lu phung bi ala lač, kbiă hriê mơ̆ng klei knŭk kna lehanăn čar Đồng Nai kƀah mă klei hriăm êjai ngă bruă, kñăm mâo lu hdră ngă bruă bi pral hĭn boh nik hlăm klei čiu hnô, mghaih msir bruă mă, bi hơĭt klei hdĭp mda kơ mnuih ƀuôn sang dôk hlăm hdră bruă dôk êmưt snăk. Pô bi ala čang hmăng mâo hdră êlan ksiêm duah bi kjăp, bi klă mghaih msir bi leh bruă anei./.
Viết bình luận