Lŏ dơ̆ng hlăm klei bi kƀĭn tal 10, hrue 22/10, bruă kƀĭn ala trông čhai hlăm êpul kơ bruă čih mkra hdră bhiăn, lŏ mlih mrâo thiăm mbŏ đa đa mta hlăm hdră bhiăn sang hră mơar, hdră bhiăn sang hră gưl prŏng, hdră bhiăn mjuăt bi hriăm bruă knuă. Lu phung bi ala bruă kƀĭn ala  mđing kơ klei čih mkra hdruôm hră mtô bi hriăm, bi sa hnơ̆ng hlăm kluôm ala, bi mâo hnơ̆ng kjăp, lehanăn djŏ guôp hŏng klei sĭt.

Čih mkra hdră bhiăn bruă sang hră mơar (lŏ mlih mrâo), mkŏ kơ hdră êlan bi kjăp bruă mjuăt bi hriăm, lŏ thiăm mbŏ kơ bruă mtô bi hriăm bruă knuă, mjing klei găl kơ phung hđeh hriăm hră êjai hriăm bruă êjai. Hdră bhiăn ăt akâo mơh kơ hdră êlan bi ênưih bruă ngă hră mơar, lui hĕ bruă mkăp hră tŭ yap jih gưl 2, lehanăn jao klei dưi kơ gưl 3 mơ̆ng Khua knơ̆ng bruă sang hră mơar jao kơ khua sang hră mơar. Jih jang klei bi trông mđing kơ bruă mđĭ boh tŭ hdră mjuăt bi hriăm, mđing mjuăt bi hriăm kjăp klei thâo kơ phung nai mtô, kñăm mđĭ kyar lăn čar hlăm ênuk gưl mrâo./.