VOV4.Êđê - Lŏ dơ̆ng hdră hlăm klei kƀĭn tal 3, bruă kƀĭn ala gưl 15, aguah mbruê, bruă kƀĭn ala bi trông leh tui sang bi kƀĭn kơ dŭm mta phŭn dôk mâo klei blŭ mdê mdê kơ hdră čih mkra klei bhiăn kahan ksiêm knhăk. Hlăm mmông bi trông, phung bi ala bruă kƀĭn ala bi êdah klei sa ai hŏng dŭm klei hưn mdah hlăk mblang, mđing hmư̆, mkra mlih klei bhiăn kahan ksiêm knhăk. Čiăng lŏ dơ̆ng bi leh hdră čih mkra klei bhiăn, phung bi ala bruă kƀĭn ala kñăm brei leh boh blŭ čiăng bi leh dŭm hdră êlan prŏng, klei bhiăn klei ngă bruă, bruă klam, klei dưi, kñăm mkŏ mjing êpul kahan ksiêm knhăk cách mạng, mbruă, mrâo mrang. Čiăng êpul kahan ksiêm knhăk bi leh jăk bruă klam pô, phung bi ala bruă kƀĭn ala ăt brei leh boh blŭ kơ bruă klam gĭt gai, bi mguôp hŏng dŭm êpul êya mkăn hlăm dŭm bruă klam msĕ si: rơ̆ng klei êđăp ênang, răng mgang klei êđăp ênang alŭ wăl knông lăn, gĭt gai bruă tui duah, đru dŏng ti êa ksĭ.

Y-Ƀel pô mblang