Bruă kƀĭn ala bi trông kơ “Hdră êlan bi liê kơ hdră bruă rŭ mdơ̆ng êlan dơ̆ng êpral Dưr - Dhŭng nah Yŭ, kdrêč găn Gia Nghĩa (Dak Nông) - Chơn Thành (Bình Phước)”
Thứ ba, 00:00, 18/06/2024
VOV TAYNGUYEN
VOV TAYNGUYEN
VOV4.Êđê- Aguah mbruê (17/6), lŏ dơ̆ng hdră klei bi kƀĭn tal 7, Bruă kƀĭn ala gưl XV, ti gŭ klei gĭt gai mơ̆ng K’iăng Khua bruă kƀĭn ala Nguyễn Đức Hải, Bruă kƀĭn ala bi trông ti anôk bi kƀĭn kơ “hdră êlan bi liê Hdră bruă duh bi liê mkŏ mjing êlan dơ̆ng êran pral Dưr - Dhŭng nah Yŭ, kdrêč găn Gia Nghĩa (Dak Nông) - Chơn Thành (Bình Phước)”.
Phung bi ala Bruă kƀĭn ala lač anei jing kdrêč êlan yuôm bhăn hlăm bruă mkŏ êlan dơ̆ng êran pral, mkŏ êlan phŭn krĭng Lăn Dap Kngư leh anăn Ngŏ kwar Dhŭng. Bruă bi liê hdră bruă srăng grăp knhuang bi leh êlan dơ̆ng êran pral hlue si hdră kčah, pŏk anôk đĭ kyar mrâo kơ dŭm alŭ wăl leh anăn bi hgŭm krĭng, mjing boh kdrŭt, ai lar bra, găl ênưih mkŏ hŏng Tač êdeh phiơr Long Thành leh anăn kdrŭn ksĭ Cái Mép -Thị Vải, pioh mđĭ kyar bruă duh mkra krĭng Lăn Dap Kngư leh anăn Ngŏ kwar Dhŭng.
Đru mđĭ kyar bruă rơ̆ng êđăp ênang. Khădah snăn, kdrêč găn Chơn Thành-Đức Hòa ară anei knŏng kčah mkŏ mjing êlan gưl 2 dap mnai, brei ksiêm dlăng mkra mđĭ kdrêč êlan anei hŏng ktuê êlan 4 grông êlan msĕ si kdrêč Gia Nghĩa - Chơn Thành.
Viết bình luận