Hruê mbruê 27/11, ti gŭ klei gĭt gai mơ̆ng Khua bruă kƀĭn ala Vương Đình Huệ, Bruă kƀĭn ala bi trông ti anôk bi kƀĭn kơ hdră bhiăn ƀuôn prŏng Phŭn (mkra mlih) leh anăn dŭm klei hưn mdah mơ̆ng knŭk kna kơ bruă: Ksiêm wĭt klei lông ngă klei bi hmô bruă sang čư êa ƀuôn prŏng ti ƀuôn prŏng Hà Nội, ƀuôn prŏng Đà Nẵng leh anăn boh tŭ dưn hluê ngă klei bi hmô bruă sang čư êa ƀuôn prŏng ti ƀuôn prŏng Hồ Chí Minh.

Lu phung bi ala tŭ ư mkra mlih hdră bhiăn ƀuôn prŏng phŭn čiăng bi klă hdră mtrŭn mrô 15 mơ̆ng Phŭn bruă kđi čar kơ hdră tă, bruă klam mđĭ kyar ƀuôn prŏng phŭn truh ti thŭn 2030, tă hdră truh thŭn 2045. Phung bi ala lač, hdră bhiăn ƀuôn prŏng phŭn (mkra mlih) mâo hnơ̆ng mkra mlih kluôm, klah čŭt djăp mta bruă, amâo djŏ knŏng hdră êlan phŭn hlăm đa đa mta bruă, msĕ si klei čuăn kơ bruă mkŏ mjing bruă sang čư êa, mbha klei dưi kơ bruă sang čư êa alŭ wăl ti ƀuôn prŏng phŭn, ăt msĕ hŏng bruă mkŏ, mđĭ kyar krĭng ƀuôn prŏng phŭn.