Tlam 21/5, Bi ala Dhar bruă kƀĭn ala Khua čih hră Bruă kƀĭn ala Bùi Văn Cường hưn mdah Hră mơar akâo mkra mlih Hdră klei bi kƀĭn tal 7. Hră mơar lač klă, mơ̆ng klei blŭ gưl mâo klei dưi, hlue ngă klei kčah mtrŭn mơ̆ng hdră bhiăn leh anăn mơ̆ng boh sĭt bi leh kluôm mnuih mă bruă Knŭk kna, leh ksiêm dlăng klei Khua knŭk kna akâo, Dhar bruă kƀĭn ala lač kơ Bruă kƀĭn ala brei mbŏ boh phŭn bi mklă klei Khua knŭk kna akâo kơ bruă brei Khua phŭn bruă kahan ksiêm mdei bruă.

Leh anăn mtam, Bruă kƀĭn ala bi tŭ ư bruă mkra mlih Hdră Klei bi kƀĭn tal 7. Êlâo anăn, hlăm Klei bi kƀĭn tal 9, Gưl dlông tŭ ư hưn mthâo Khua hlăm phŭn bruă kđi čar, Khua phŭn bruă kahan ksiêm, Đại tướng Tô Lâm, čiăng Bruă kƀĭn ala gưl XV ruah ngă Khua lăn čar, wưng  2021-2026. Tlam 21/5, leh bi trông, bi mklă anăn čiăng ruah Khua lăn čar, bruă kƀĭn ala ruah Khua lăn čar.