Mâo dŭm bruă yuôm bhăn hlăm klei êmuh: Hdră bi leh jih jang bruă êlan klông, bi hrŏ klei truh tơl hlăm êlan klông   kluôm ala, bruă klam kiă kriê mơ̆ng knŭk kna hlăm klei nao ksiêm dlăng, kiă kriê klei dŭ mdiăng, hnơ̆ng kjăp êdeh êdâo, bruă mjuăt bi hriăm mgăt êdeh, bi lông klei mgăt êdeh. Hŏng klei čiăng tui duah klei jăk, mâo bruă klam, Khua phŭn bruă êlan klông dŭ mdiăng Nguyễn Văn Thắng mâo klei mđing hmư̆ nanao djăp ênŭm klei đru kčĕ, lehanăn mâo dŭm hdră êlan mă bruă bi djŏ hĭn jih jang hdră êlan mơ̆ng Đảng, knŭk kna kơ bruă êlan klông, djŏ hŏng hdră êlan mđĭ kyar lăn čar, ba klei êđăp ênang găl ênưih kơ mnuih ƀuôn sang hlăm klei găn êrô.

Khădah snăn, ăt adôk mâo lu klei ka djŏ, adôk lu klei truh hlăm êlan klông, klei soh hlăm bruă ksiêm dlăng êdeh êdâo, klei bi lông mgăt êdeh, klei hrui mă hră dưi mgăt êdeh... Khua phŭn bruă brei thâo, jih jang klei đru mguôp klei blŭ mơ̆ng phung bi ala jing čiăng kơ phŭn bruă lŏ bi leh jih jang bruă adôk ka djŏ, mâo bruă klam ti anăp Đảng, knŭk kna, bi leh bruă jao./.