Khua Bruă kƀĭn ala Trần Thanh Mẫn brei thâo, klei bi kƀĭn mkŏ mjing hlăm 1 hruê, ti sang Bruă kƀĭn ala. Bruă kƀĭn ala mâo leh klei bi trông, brei klei blŭ kơ bruă brei mdei bruă Khua Sang phat kđi yang ƀuôn gưl dlông, Khua Sang ksiêm dlăng kđi klei yang ƀuôn gưl dlông čiăng mă bruă klam mkăn. Bi mklă brei mdei 1 čô K’iăng Khua knŭk kna leh anăn Khua phŭn bruă hdră bhiăn čiăng mă bruă klam mkăn.

Bi mklă brei mdei 1 K’iăng Khua knŭk kna leh anăn Khua phŭn bruă Ngăn dŏ leh anăn wăl hdĭp mda mdei mă bruă. Brei mdei 1 čô bi ala Bruă kƀĭn ala gưl 15. Bruă kƀĭn ala bi trông, brei klei blŭ mbŏ 1 K’iăng Khua knŭk kna wưng Bruă kƀĭn ala gưl 15. Bi mklă ruah 3 K’iăng Khua knŭk kna, Khua phŭn bruă Ngăn dŏ wăl hdĭp mda, Khua phŭn bruă Hdră Bhiăn. Ruah Khua Sang phat kđi yang ƀuôn gưl dlông leh anăn Khua Sang ksiêm dlăng kđi klei yang ƀuôn gưl dlông.