Aguah, bruă kƀĭn ala mâo klei bi kƀĭn mkăp, hmư̆ jih jang klei hưn kơ bruă: Mâo khua knơ̆ng čih hră anôk bruă kƀĭn ala Bùi Văn Cường hâo mdah klei čih pioh, hrui mă, hlak mblang kơ jih jang hdră bi kƀĭn. Leh kơ anăn, bruă kƀĭn ala trông čhai lehanăn bi mklă hdră bi kƀĭn klă klơ̆ng. Mơ̆ng anăn, Khua kiă kriê kơ phung bi ala mâo Nguyễn Thị Thanh bi êdah klei Dhar bruă gĭt gai bruă kƀĭn ala bi mklă kơ klei brei mdei bruă pô bi ala bruă kƀĭn ala hŏng Nguyễn Văn Thanh, dôk hlăm êpul phung bi ala čar An Giang.

Mâo 4 mta bruă mjêč anôk bruă kƀĭn ala ksiêm ti anôk bi kƀĭn anei: Čih mkra kơ hdră bhiăn lăn ala lŏ mlih mrâo, klei čih mkra hdră bhiăn êpul bruă brei čan prăk lŏ mlih mrâo, klei čih mkra hdră mtrŭn, hdră êlan ruh mgaih klei dleh dlan, ngă bi pral bruă lăn čar kñăm. Lehanăn knhal tuič jing lŏ mbŏ hdră duh bi liê hnơ̆ng man dưn prăk mơ̆ng gưl dlông 2021 - 2025 jing ênoh mkăp mơ̆ng gưl dlông kơ thŭn 2022 hŏng dŭm bruă čuăn klei duh bi liê, lehanăn klei lŏ mbŏ kơ Êpul grŭp pui kmlă Việt Nam mă mơ̆ng ngăn prăk duh bi liê ti hnơ̆ng man dưn./.