VOV4.Êđê - Lŏ dơ̆ng hdră Klei bi kƀĭn tal 3, Bruă kƀĭn ala gưl 15, aguah mbruê 3/6, bi trông ti anôk bi kƀĭn kơ hră čih Hdră mtrŭn lông ngă gru hmô mă bruă, bi hriăm bruă kơ phung mnă êngao sang mnă, phung bi ala lač Hdră mtrŭn jing hdră msir yuôm bhăn đru kơ phung mnă mâo bruă knuă kjăp, ênưih duah bruă leh wĭt mnă, đru kơ phung tuôm soh čhuai ênưih hĭn lŏ wĭt mkŏ mjing klei hdĭp mda. Phung bi ala akâo kơ Knŭk kna kčah klă klơ̆ng hnơ̆ng čuăn, hdră kčah hrŏng ruah phung mnă dưi ba hlăm anôk mă bruă, bi hriăm bruă nah êngao sang mnă kñăm rơ̆ng klei mbruă leh anăn djŏ guôp hŏng klei găl boh sĭt ti djăp sang mnă. Tlam, phung bi ala bruă kƀĭn ala bi trông hlăm êpul kơ hră čih Hdră bhiăn lŏ mlih mrâo mbŏ dŭm mta klei mơ̆ng Hdră bhăn êlan klei pui kmlă leh anăn hră čih Hdră bhiăn êa pui êwa čuh (lŏ mlih mrâo)./.

H’ Zawut  pô mblang