Ti aguah anei, phung bi ala bruă kƀĭn ala bi trông ti anôk bi kƀĭn kơ boh tŭ klei ktuê dlăng bruă mgaih msir klei hưn mdah mơ̆ng phung bi ala mơĭt kơ klei kƀĭn tal 4, Bruă kƀĭn ala gưl 15. Hưn mdan boh tŭ ktuê dlăng bruă mgaih klei klei hưn mơ̆ng phung bi ala mơĭt hlăm klei kƀĭn tal 5, Bruă kƀĭn ala gưl 15, Khua êpul bruă ƀuôn sang hlăm Dhar bruă kƀĭn ala Dương Thanh Bình brei thâo, truh kơ ară anei, 2 êbâo 751 klei hưn dưi mgaih msir, wĭt lač kơ phung bi ala, mâo 99%.

Phung bi ala ya yuôm bhăn hlăm wưng êgao, klei ngă bruă mơ̆ng Bruă kƀĭn ala mâo lu klei mlih mrâo, hnơ̆ng tŭ jăk, tŭ dưn, mñă klă Bruă kƀĭn ala ƀrư̆ hruê ƀrư̆ bi mguôp hŏng mnuih ƀuôn sang. Klei čuăn hŏng bruă Kƀĭn ala jing lŏ dơ̆ng mđĭ hĭn hnơ̆ng tŭ jăk bruă ktuê dlăng klei ba mdah hdră mơar hdră bhiăn, Dŭm êpul bi ala bruă kƀĭn ala mđĭ hnơ̆ng tŭ jing klei bi kƀĭn, ksiêk mbha, mgaih msir klei hưn mdah mơ̆ng phung bi ala.