Hluê si klei mĭn tĭng, Bruă kƀĭn ala srăng bi klă hdră bhiăn yua lăn (mkra mlih) hlăm gưl kƀĭn anei. Ƀiădah, truh kơ ară anei, hdră bhiăn anei ăt adôk mâo klei blŭ mdê mdê, boh nik jing klei čuăn hrui wĭt lăn kyua boh tŭ ala čar, yang ƀuôn, kơ klei găl ba jao klei dưi yua lăn lŏ hma, boh nik jing lăn pla mdiê, klei dưi leh anăn bruă klam djă yua lăn mơ̆ng mnuih Việt Nam dôk ti ala tač êngao, amâodah hdră êlan bi klă ênoh lăn…

Ăt ti aguah hruê 3/11, phung bi ala bi mguôp klei blŭ kơ klei čuăl mkă, hdră êlan yua lăn, hdră hdră êlan sang dôk mmia mblei, hdră lu mta kơ sang dôk leh anăn bruă mnia mblei, bruă mkăn. Bi kơ klei đĭ kyar leh anăn kriê dlăng lăn, Kơ hră bi klă dŭm gŏ sang, grăp čô djă yua lăn amâo mâo hră yua lăn, amâo mâo ngă soh hŏng klei bhiăn lăn čar kơ lăn ala, amâo mâo jing pô jao lăn soh hŏng hdră bhiăn... Lu phung bi ala mñă klă, anei jing hdră bhiăn yuôm bhăn sơnăk, mñă brei mâo klei răng êjai ksiêm dlăng, bi klă. Bruă bi klă hdră bhiăn anei srăng hluê si ai tiê rơ̆ng kơ hnơ̆ng tŭ jăk hdră bhiăn, bi djăp ênŭm klei čuăn hlăm boh sĭt leh anăn dưi ngă.