Khua kiă kriê adŭ bruă Kƀĭn ala Bùi Văn Cường bi êdah klei hưn kơ bruă mprăp. Hluê anăn, Bruă kƀĭn ala srăng mkăp 2 hruê mkrah čiăng ngă klei êmuh leh anăn wĭt lač klei êmuh. Bruă kƀĭn ala srăng ngă klei ksiêm dlăng bruă hluê ngă mơ̆ng dŭm anôk bruă hŏng 10 hdră mtrŭn hlăm wưng păn bruă gưl 14 leh anăn gưl 15 kơ bruă ksiêm dlăng klei čih leh anăn klei êmuh.

Blŭ hlăm mmông mă bruă, Khua knŭk kna Phạm Minh Chính yap yuôm bhăn bruă mprăp kơ dŭm gưl êmuh leh anăn wĭt lač klei êmuh hlăm klei kƀĭn tal 6, Bruă kƀĭn ala gưl 15. Hlăm klei bi trông hlăm mmông mă bruă đru tui duah hdră êlan ksiêm êmuh tŭ dưn hĭn, mơ̆ng anăn đru mđĭ boh tŭ dưn klei ngă bruă leh anăn kơhưm mơ̆ng Bruă kƀĭn ala. Khua bruă kƀĭn ala Vương Đình Huệ brei thâo, bi kơ hdră êlan mkŏ mjing klei êmuh leh anăn wĭt lač klei êmuh hŏng 4 êpul bruă: Bruă duh mrka hnơ̆ng prŏng, bruă duh mkra dhar bruă, dhar kreh, ala ƀuôn, hdră bhiăn, bruă knuă, tĭng mkă knŭk kna. Mmông kơ grăp êpul bruă hlăm brô mơ̆ng 160 – 170 mnĭt, ƀiădah êjai mkŏ mjing srăng mbruă hluê si boh sĭt.