Mơ̆ng klei bi trông hlăm klei bi kƀĭn, klei bi kƀĭn êlâo, truh ară anei ăt adôk lu klei blŭ mdê mdê kơ klei kčah mtrŭn mă hră ênua ala ƀuôn 1 blư̆, wăt tơdah adôk lu klei blŭ mdê mdê kčah kơ klei mă hră ênua ala ƀuôn sa blư̆, wăt tơdah anôk čih mkra tŭ mă, mkra mluh dŭm hdră msir tuôm ba mdah leh êlâo dih.

Hlue si hră čih Hdră bhiăn hră ênua yang ƀuôn (mkra mlih) hưn hŏng Bruă kƀĭn ala tal anei, klei găl mă hră ênua ala ƀuôn sa blư̆ hŏng phung ka djăp dua pluh thŭn mguôp hră ênua yang ƀuôn mâo 2 hdră msir. Hdră 1, mnuih mă bruă dưi mbha dua êpul. Hlue anăn, êpul mnuih mă bruă mphŭn blei hră ênua ala ƀuôn mơ̆ng Hdră bhiăn anei dưi dưn yua snăn amâo dưi hrui mă hră ênua sa blư̆. Hdră msir 2: Mnuih mă bruă dưi mă hră ênua ala ƀuôn sa blư̆ ƀiădah jih hnơ̆ng amâo êbeh 50% wưng mguôp leh hră ênua hlăm keh jih thŭn mă bruă leh anăn djiê brŭ.