VOV4.ÊđêTlam mbrue (10/1), lŏ dơ̆ng klei bi kƀĭn êngao hdră tal sa, bruă kƀĭn ala trông čhai online kơ hdră êlan duh bi liê bruă mkra êpan dơ̆ng pral Dưr – Dhŭng tĭng nah Ngŏ wưng thŭn 2021 – 2025. Ti anôk bi kƀĭn, phung bi ala mâo klei bi tŭ ư prŏng kơ bruă duh bi liê mkra êlan dơ̆ng pral Dưr – Dhŭng tĭng nah Ngŏ. Bruă duh bi liê anei amâo mâo djŏ knŏng mđĭ ai dưi bi ktưn hlăm bruă duh mkra êjai nao hlăm klei ñu kma êlam hĭn, lehanăn lŏ đru mkra mđĭ bi leh jih jang bruă nah gŭ mdrăm mbĭt hŏng djăp bruă ênuk mrâo, mjing ai ktang mtrŭt mđĭ bruă duh mkra ala ƀuôn, lehanăn bruă răng mgang klei êđăp ênang lăn čar. Phung bi ala akâo lŏ nga bi mngač hĭn jih jang bruă jing knơ̆ng, hlăm hdră mđĭ kyar bruă duh mkra, lehanăn jih jang klei čuăl mkă djŏ tuôm. Tlam anei (11/1), Bruă kƀĭn ala mkŏ mjing klei bi kƀĭn bi ruĕ gưl klei bi kƀĭn êngao hdră tal sa./.

Pô mblang: Y-Khem Niê