VOV4.Êđê- Hlăm dua hrue, hrue anei (1/6) lehanăn hrue mgi (2/6), bruă kƀĭn ala trông čhai hlăm sang bi kƀĭn ksiêm wĭt bruă hlue ngă hdră êlan mđĭ kyar bruă duh mkra ala ƀuôn, lehanăn klei kơ ngăn prăk knŭk kna bi liê leh thŭn 2021, lehanăn klei mđĭ kyar bruă duh mkra thŭn 2022 ksiêm wĭt klei hlue ngă hdră mtrŭn mrô 42 mơ̆ng bruă kƀĭn ala kơ klei lông bi hmô bruă msir nư amâo mâo dưi tla mơ̆ng dŭm anôk bruă brei čan prăk. Ti anôk pŏk klei bi kƀĭn bruă kƀĭn ala, K’iăng khua knŭk kna Lê Văn Thành mâo leh klei hâo mdah: Knŭk kna mâo 12 êpul mghaih msir, hlăm anăn mđing gang mkhư̆ bi jih klei ruă tưp Covid 19, lehanăn lŏ kơrŭ wĭt bi pral klei duh mkra hŏng klei kjăp. Hlue ngă dŭm mta mtrŭn mơ̆ng anôk bi kƀĭn gưl dlông 5, gưl 13, boh nik klei kơ lăn ala, klei duh mkra êpul êya, bruă lŏ hma, mnuih ngă lŏ hma, krĭng ƀuôn sang, pral bi leh lehanăn ba mdah hŏng bruă kƀĭn ala bi mlih hdră bhiăn lăn ala thŭn 2013. Knŭk kna ăt bi klă hlue nga kjăp jih jang hdră klei kơ ngăn prăk duh bi liê kluôm, lehanăn mđĭ kyar bruă mdrao mgŭn. Mkŏ mjing klei bi lông jih gưl 3, lehanăn hrŏng mŭt hriăm gưl prŏng, gưl krah thŭn 2022./.

Pô mblang: Y-Khem Niê