Hlăm klei tŭ mă, lehanăn hlak mblang jih jang klei blŭ mơ̆ng phung bi ala ti anôk bi kƀĭn tal 4, lehanăn mơ̆ng bruă mă klei blŭ mơ̆ng mnuih ƀuôn sang, klei čih mkra anei ba mdah mâo ksiêm dlăng lehanăn bi myuôm ƀuh jing mâo klei bi mlih hĭn, lehanăn mâo klei kjăp. Khă snăn, jih jang klei blŭ adôk mâo klei đing kơ “hdră tĭng mkă ênoh lăn tui si ênoh bi mmnia mblei”, lehanăn kơ bruă čiu hnô, đru ba, mkŏ mkra anôk dôk mrâo leh knŭk kna hrui mă lăn.

Lu phung bi ala bi lač, bruă tĭng mkă ênoh lăn adôk lu klei ka djŏ ôh, amâo mâo djŏ hŏng klei jing sĭt dôk găn. Bruă bi tĭng mkă anăn amâo mâo klei klă mngač ôh, amâo mâo djŏ hlue si mta lăn, anôk ala, kơ klei găl duh mkra ala ƀuôn jing msĕ ƀiădah ênoh ênil jing mdê. Phung bi ala lŏ lač, jih jang klei čih mkra ka mâo ôh ênoh čoh čuăn pia jing luič liê lu leh knŭk kna hrui mă lăn, lĕ hlăm klei čiu hnô amâo mâo djŏ ênoh, knŏng tĭng mă kơ ênoh lăn, amâo mâo tĭng ôh kơ klei luič liê mơ̆ng jih jang bruă hlăm anôk lăn anăn./.