Khua bruă kƀĭn ala Trần Thanh Mẫn lač Việt Nam mđing êdi lehanăn mâo klei čang hmăng mtrŭn agha êlam hĭn klei bi mguôp kluôm dhuôm hŏng Cuba; lehanăn bi mni dŭm boh tŭ dưn mơ̆ng Đảng, Knŭk kna lehanăn mnuih ƀuôn sang Cuba dưi mâo leh klei bi kƀĭn prŏng 8. Kơ kdrêč pô, Khua bruă kƀĭn ala Cuba bi mni lač jăk kơ klei đru mơ̆ng mnuih ƀuôn sang Việt Nam, boh nik hlăm bruă mkrum mguôp mơ̆ng bruă Mặt trận čar kwar lehanăn Êpul hgŭm gru bi kal hdrah Việt Nam mkŏ mjing.

Ñu mñă anei jing klei bi klă kơ klei thâo bi mguôp plah wah dua ala čar, lehanăn hưn klei đru anăn dưi ba yua djŏ kơ dŭm bruă hlăk mjêč kơ klei hdĭp mnuih ƀuôn sang. Dua nah bi tŭ ư lŏ hyuă kjăp klei hgŭm bruă kƀĭn ala, lŏ dơ̆ng ksul mbŭ klei bi hgŭm yuôm bhăn Việt Nam – Cuba, yap anei jign bruă êdeh hĭn êdi hlăm bi mguôp hŏng tač êngao./.