Hlue si kahan ksiêm čar Dak Lak, hlăm 6 mlan akŏ thŭn 2024, phung ngă soh hlăm ala ƀuôn ti čar mâo 489 klei, hrŏ 3 klei; klei bi drăm hlăm êlan klông mâo  208 klei, hrŏ 15 klei, hrŏ 21 čô mnuih êka mkă hŏng wưng anei thŭn dih. Ăt hlăm 6 mlan akŏ thŭn, kahan ksiêm Dak Lak ƀuh ksiêm dlăng 295 klei ƀơ̆ng ngăn, bruă duh mkra, kčŭt ksiêm dlăng 12 čô ngă soh yua kdrăp mrâo…

Hlue si Thiếu tướng Lê Vinh Quy, Khua kahan ksiêm čar Dak Lak, boh tŭ mrâo lač mâo klei đru mguôp jăk, tŭ dưn mơ̆ng hră klei mrâo, hâo hưn nanao kơ hdră êlan mơ̆ng Đảng, hdră bhiăn knŭk kna, hưn kơ bruă rơ̆ng êđăp ênang leh anăn mkŏ mjing êpul kahan ksiêm yang ƀuôn… Mơ̆ng klei bruă klei mrâo hâo hưn, mnuih ƀuôn sang mđĭ klei thâo răng leh anăn thâo săng hdră bhiăn, hgŭm hlăm hdră Jih jang mnuih ƀuôn sang răng mgang klei êđăp ênang čar kwar.