Ƀri wưng bi hdơr 98 thŭn hruê Klei mrâo cách mạng Việt Nam, tlam mbruê, ti sang Bruă kƀĭn ala, Khua bruă kƀĭn ala Vương Đình Huệ bi tuôm hŏng khua gĭt gai Êpul bruă hâo hưn gưl dlông, Phŭn bruă klei mrâo leh anăn hâo hưn, Êpul hgŭm phung čih klei mrâo Việt Nam, Phung čih klei mrâo hđăp, phung bi ala dŭm anôk bruă klei mrâo jing phung hgŭm hlăm Êpul gơ̆ng bi klă klei bi lông Diên Hồng gưl tal 1, khua gĭr gai đa đa anôk bruă klei mrâo gưl dlông leh anăn alŭ wăl.

Khua bruă kƀĭn ala Vương Đình Huệ mñă klă, Bruă kƀĭn ala uêñ mĭn nanao kơ bruă bi kluôm dŭm hdră êlan hŏng bruă hưn mthâo mrâo mrang leh anăn klei mrâo. Hlăm wưng kơ anăp, Khua bruă kƀĭn ala Vương Đình Huệ mtă kơ bruă klei mrâo lŏ dơ̆ng rơ̆ng kjăp kơhưm, bruă klam pô čiăng jing sa hlăm dŭm mta phŭn yuôm bhăn, đru mkŏ mjing leh anăn mlih mrâo ala čar yang ƀuôn ngă phŭn Việt Nam, djŏ guôp hŏng klei đĭ kyar êđăp ênang, đĭ kyar ênuk anei, răng mgang leh anăn mđĭ kyar klei mlih mrâo hŏng klei kluôm, hrăm mbĭt, ñŭ kma hŏng tar rŏng lăn nao mbĭt hŏng klei hmăng hmưi Việt Nam mdrŏng sah ti thŭn 2045.