Hlăm wưng êgao, yan adiê ti Dak Lak mđiă ktang, hnơ̆ng adiê kah knar 32 độ, leh anăn đăo knăl adiê mđiă hlơr srăng lŏ dơ̆ng sui. Hlue si Knơ̆ng bruă pui kmlă Dak Lak, kyua klei čiăng yua kdrăp bi êđăp đĭ lu, hnơ̆ng pui kmlă yua hlăm klei hdĭp grăp hruê đĭ lu.

Čiăng ñĕ kơ klei pui kmlă đĭ leh anăn êgao hnơ̆ng pui kmlă, hŏng bruă pŏk ngă hdră msir, bruă pui kmlă mtrŭt mnuih ƀuôn sang yua pui kmlă mkiêt mkriêm, djŏ guôp leh anăn êđăp ênang hlue si klei bhiăn 4 djŏ: “Djŏ mmông, djŏ anôk, djŏ hdră leh anăn djŏ klei čiăng” leh anăn brei “Mdjiê pui tơdah amâo yua”. Pui kmlă Dak lak ăt mđĭ klei hâo hưn mtô mblang kơ mnuih ƀuôn sang yua pui kmlă êđăp ênang, mkiêt mkriêm hlăm hră mơar leh anăn hlăm kdrăp hâo hưn, website, hla pŏk web ala ƀuôn…