Ƀuh klang kleh 18 čô djiê êngiă hlăm war mnuih ƀuôn sang ti čar Gia Lai
Thứ sáu, 11:06, 17/10/2025
Pô mblang: Y-Khem Niê
Pô mblang: Y-Khem Niê
VOV.Êđê - Ti xã Ia Boòng, (hlăm kdriêk Chư Prông hđăp), čar Gia Lai, knuă druh lĭng kahan êpul K52 hlăk dôk hgŭm hŏng dŭm êpul bruă djŏ tuôm pŏk mlar đơ knua tui duah, kuia mă klang kleh phung kahan djiê êngiă hlăm ênuk bi blah.
Hlăm ênhă êbeh 100m2 hlăm wăl sang Ksor Tân (ƀuôn Gà, ƀuôn Ia Boòng), Êpul K52 dôk kuai duah, ba wĭt klang kleh 18 čô djiê êngiă. Dŭm klan kleh anăn mâo dăp dơr hŏng klei jăk. Ară anei jih jang klang kleh 18 čô djiê êngiă anăn dôk ksiêm mkă ADN.
Êngao kơ alŭ wăl ƀuôn Gà, Êpul bruă kiă kriê kahan ƀuôn hgŭm Ia Boòng mbĭt hŏng êpul êya djŏ tuôm hlăk bi mklă, lehanăn lŏ pŏk mlar anôk tui duah hlăm alŭ wăl ƀuôn Sung O lehanăn ƀuôn Boòng Nga. Xã Ia Boòng, hlăm kdriêk Chư Prông hđăp jing kdrăn bi blah ktang phuĭt mphŭn dô bi kdơ̆ng hŏng Mi. Tui si hdră, truh hrue 20/10, êpul K52 srăng bi leh bruă ti ƀuôn hgŭm anei, prăp êmiêt gưl lŏ hiu duah hlăm ala čar Campuchia hlăm yan bhang thŭn 2025–2026./.
Viết bình luận