Hrue (31/03), ti Anôk bruă knŭk kna, Khua knŭk kna Phạm Minh Chính nao klei dưi mơ̆ng khua knŭk kna kơ bruă knuă druh. Snăn, Bùi Thế Duy, Khua hlăm êpul khua kiă kriê bruă Đảng, K’iăng khua Anôk bruă ksiêm duah kreh knhâo, lehanăn kdrăp mrâo Việt Nam păn ngă khua kiă kriê Sang hră gưl prŏng lăn čar Hà Nội. Jao klei bi mklă lehanăn mđup brei čăp mnga kơ Bùi Thế Duy, Khua knŭk kna Phạm Minh Chính lač: Bruă  Đảng, Knŭk kna đăo knang jao kơ Bùi Thế Duy klam ngă khua kiă kriê sang hră gưl prŏng lăn čar Hà Nội anei jing klei myun prŏng, brei mâo bruă klam hŏng sang hră Gưl prŏng lăn čar Hà Nội hlăm ênuk gưl mrâo.

Blŭ đĭ păn bruă  Bùi Thế Duy ƀuăn hŏng jih ai tiê, klei thâo, klei mưng mâo leh hlăm bruă, hŏng bruă klam prŏng hĭn, păn kjăp ai tiê ngă klei bi hmô, čiăng bi kjăp êpul khua kiă kriê, lehanăn jih jang phung knuă druh, nai mtô brei mâo klei thâo bi mguôp, mlih mrâo hlăm bruă, hŏng klei tŭ jing atăt sang hră gưl prŏng lăn čar   Hà Nội đĭ kyar năng hŏng klei čang hmăng mơ̆ng Đảng, Knŭk kna, mơ̆ng lăn čar lehanăn khua knŭk kna, pioh đru mguôp hlăm bruă rŭ mdơ̆ng lehanăn răng mgang lăn čar./.