Hruê 29/7, Êpul bi ala bruă kƀĭn ala ƀuôn prŏng Hà Nội mkŏ mjing klei bi kƀĭn bi leh bruă klam Khua Êpul gưl XV. Leh bi mklă anăn phung ruah, phung bi ala ngă klei mplĕ hră hgăm čiăng ruah Khua Êpul bi ala Bruă kƀĭn ala ƀuôn prŏng. Boh tŭ, 100% čô bi ala ruah leh Bùi Thị Minh Hoài, Khua hlăm Phŭn bruă kđi čar, Khua bruă Đảng ƀuôn prŏng ngă Khua Êpul bi ala Bruă kƀĭn ala gưl XV ƀuôn prŏng Hà Nội, wưng 2021-2026.

Blŭ hrăm mă bruă klam mrâo, bi êdah klei ktưn hưn tơdah mâo phung bi ala Bruă kƀĭn ala hlăm Êpul mâo klei đăo knang ruah khua êpul, Khua dlăng bruă Đảng ƀuôn prŏng Hà Nội Bùi Thị Minh Hoài brei thâo srăng gĭr jih ai tiê, bi hgŭm kjăp hŏng khua gĭt gai Êpul, phung bi ala Bruă kƀĭn ala krơ̆ng kjăp klei bhiăn, mđĭ ai tiê ba anăp bi hmô, hlue ngă bruă klam hlue si klei bhiăn mă bruă mơ̆ng pô bi ala Bruă kƀĭn ala leh anăn Êpul bi ala Bruă kƀĭn ala ƀuôn prŏng.