Anei jing sa hlăm dŭm hdră kñăm hlăm knăm pŏk ngă klei bi lông ktưn kkuh drông klei bi hdơr 120 thŭn mkŏ mjing čar leh anăn 120 thŭn mkŏ mjing, mđĭ kyar ƀuôn prŏng Ƀuôn Ama Thuôt mkŏ mjing aguah (20/3). Mđĭ ktang bruă mkra mđĭ bruă nah gŭ ti ƀuôn prŏng, hlue ngă tŭ dưn hdră bruă ala čar mkŏ mkra krĭng ƀuôn sang mrâo.

Hlăm anăn, mkŏ mjing ƀiă êdi 1 gru hmô leh anăn 1 hdră bruă êdah êdi, pla mrâo ƀiă êdi 5.000 ana kyâo mtah, gĭr ktưn 8/8 să djăp hnơ̆ng čuăn krĭng ƀuôn sang mrâo leh anăn mâo ƀiă êdi 1 să krĭng ƀuôn sang mrâo bi hmô. Mđĭ kyar dŭm mta mnơ̆ng dhơ̆ng OCOP mâo anăn knăl mdê hjăn. Mđĭ ktang iêo jak bi liê, mđing kơ hdră kñăm ba ƀuôn prŏng Ƀuôn Ama Thuôt jing ƀuôn prŏng phŭn, anôk đĭ kyar mơ̆ng krĭng Lăn Dap Kngư kơ hiu čhưn ênguê, mdrao mgŭn, mtô bi hriăm, kreh knhâo leh anăn kdrăp mrâo hlăm thŭn 2045./.