Ƀuôn Ama Thuôt klă klơ̆ng brei găn êrô êlan Ngŏ Yŭ (Êlan Võ Nguyên Giáp)
Thứ ba, 10:33, 31/10/2023
VOV Tây Nguyên
VOV Tây Nguyên
VOV4.Êđê - Leh lu blư̆ bi kdung, aguah hruê 30/10, Anôk bruă sang čư̆ êa ƀuôn prŏng Ƀuôn Ama Thuôt, čar Dak Lak mkŏ mjing leh Knăm ba yua êlan Ngŏ Yŭ (jing Êlan Võ Nguyên Giáp) mkŏ wăl krah ƀuôn prŏng hŏng Tač êdeh phiơr Ƀuôn Ama Thuôt lehanăn Êlan dơ̆ng prŏng mrô 27 nao kơ čar Lâm Đồng.
Ênoh duh êbeh 1.239 êklai prăk, ktuê êlan anei mâo boh taih dlông 6,9 km, anôk mkŏ tal êlâo ti êlan bi kuh Lê Duẩn - Đinh Tiên Hoàng lehanăn anôk knhal tuič ti Êlan dơ̆ng prŏng mrô 27 – êlan Dam San nao mŭt hlăm Tač êdeh phiơr Ƀuôn Ama Thuôt.
Bruă ba yua êlan anei mâo boh tŭ yuôm đru mtrŭt mđĭ klei bi găn êrô mơ̆ng dŭm alŭ wăl hlăm čar, mjing ktuê êlan phŭn nah Ngŏ – Dhŭng mơ̆ng ƀuôn prŏng, mơ̆ng wăl krah ƀuôn prŏng nao kơ Êlan dơ̆ng prŏng mrô 27, Tač êdeh phiơr Ƀuôn Ama Thuôt, ƀrư̆ ƀrư̆ pŏk mlar wăl ƀuôn prŏng; mbĭt anăn bi hrŏ klei êdeh găn êrô kƀĭn ti dŭm ktuê êlan hlăm krah ƀuôn prŏng hlăm mmông lu mnuih êrô./.
Viết bình luận