Tui si klei čuăl mkă kluôm čar Daklak wưng thŭn 2021 - 2030, tă hdră mă bruă truh thŭn 2050, wăl krah Buôn Hô jing ƀuôn prŏng kơ lăn mnga êa siam gưl krĭng, jing anôk phŭn kơ Lăn Dap Kngư. Anei jing mbah kơ klei bi mnia mblei anăp êlan duh mkra mkŏ krĭng lăn dap kngư hŏng krĭng hang ksĭ kwar krah truh hŏng krĭng ngŏ dưr lăn čar Campuchia. Mơ̆ng klei čuăl mkă kluôm, knơ̆ng bruă sang čư̆ êa wăl krah Ƀuôn Hô lŏ tă leh hdră êlan bi mlih kñăm bi djŏ hŏng hdră kluôm hlăm klei čuăl mkă wăl krah Buôn Hồ truh thŭn 2045 lehanăn mâo knơ̆ng bruă sang čư̆ êa čar bi mklă.

Mta kñăm anăp truh kơ klei rŭ mdơ̆ng lehanăn mđĭ kyar wăl krah Buôn Hô jing leh sa ahlăm dŭm anôk bruă kđi čar, bruă duh mkra, bruă dhar kreh lehanăn bruă kreh knhâo lehanăn hiu čhưn ênguê krĭng nah dưr čar Daklak. Klei čuăl mkă anei djŏ tui si klei bhiăn yuôm bhăn kơ klei mđĭ kyar wăl krah, mjing boh kdrŭt kơ wăl krah kơrŭ kơ bruă dưn yua jih klei găl pô iêo jak klei duh bi liê lehanăn mđĭ kyar./.