VOV4.Êđê - Hrue mbrue (8/4), knơ̆ng bruă sang čư̆ êa ƀuôn prŏng Ƀuôn Ama Thuôt, čar Daklak mâo leh hră mtrŭn kơ bruă mdrơ̆ng hŏng klei ruă tưp hlăm boh klei mrâo. Mơ̆ng anăn, yap mơ̆ng 6h hrue 12/4, ƀuôn prŏng Ƀuôn Ama Thuôt brei mkŏ mjing jih jang bruă kơ êngao, hlăm sang hŏng ênoh mnuih amâo mâo êgao ôh 100 čô mnuih, lehanăn hlue ngă bi djŏ mta mtrŭn răng mgang klei ruă tưp, lŏ bi kơrŭ truh 50% bruă knuă hlăm dŭm anôk muiñ caraoke, anôk kdŏ mmuiñ, sang bar, massa, internet, anôk hlăp game, dŭm anôk huă mnăm, dŭm boh sang kkuh mpŭ bi hlue nga djŏ hŏng hdră mtrŭn, Mkŏ mjing mtô bi hriăm ti sang hră hŏng hđeh hriăm hră adŭ 9 lehanăn hđeh gưl 3.

Yap mơ̆ng hrue 8/4, ƀuôn prŏng Ƀuôn Ama Thuôt mâo giăm 50 êbâo čô mnuih djŏ klei ruă tưp, hlăm anăn mâo êbeh 10 êbâo čô mnuih hlăk dôk mdrao. Lu mnuih djŏ klei ruă tưp ti ƀuôn prŏng jing ti hnơ̆ng hdjul, amâodah amâo mâo klei bi knăl, lehanăn lu čŏng mdrao mă hjăn ti sang./.

Y-Khem pô mblang