K’iăng khua knŭk kna Trần Hồng Hà nao lehanăn jao klei bi mklă hdră čuăl mkă anei. Blŭ ti knăm anei, K’iăng khua knŭk kna Trần Hồng Hà mñă, Hră čuăl mkă ƀuôn prŏng Đà Nẵng hưn mthâo hruê anei dưi čih mkra hŏng klei mbruă, hnơ̆ng trah dlăng hlăm wưng sui tui hluê hŏng klei găl mâo, klă klơ̆ng bi sĭt mta kñăm mơ̆ng Phŭn bruă kđi čar ti Hdră mtrŭn mrô 43-NQ/TW hruê 24 mlan 01thŭn 2018, bi êdah klei čang hmăng mơ̆ng mnuih ƀuôn sang Đà Nẵng kơ sa ƀuôn prŏng năng hdĭp, jing wăl krah phŭn hdră duh mkra – ala ƀuôn prŏng mơ̆ng ala čar lehanăn kluôm krĭng Ngŏ Dhŭng Asi.

Ƀuôn prŏng mâo bruă klam mơ̆ng sa hlăm dŭm ƀuôn prŏng phŭn lehanăn đĭ kyar ti krĭng Dưr kwar Krah lehanăn ktuê hang ksĭ kwar krah, Dưr Lăn dap kngư. Hdră čuăl mkă anei ăt bi mklă hdră hiu čhưn ênguê jing bruă phŭn, mđĭ kyar ƀuôn prŏng jing ƀuôn prŏng hiu čhưn ênguê mrô sa mâo hnơ̆ng tŭ jăk./.