Ƀuôn prŏng Hồ Chí Minh ksiêm dlăng kluôm bruă mprăp kơ Hruê knăm 30/4
Thứ bảy, 00:00, 26/04/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV4.Êđê- Khua bruă Đảng ƀuôn prŏng Hồ Chí Minh Nguyễn Văn Nên mrâo gĭt gai klei kƀĭn hŏng Êpul gĭt gai leh anăn dŭm êpul mprăp bi hdơr 50 thŭn hruê sua wĭt klei êngiê kwar Dhŭng, hluh hlir lăn čar.
Klei kƀĭn kñăm ksiêm dlăng bruă knuă, hnơ̆ng tŭ jăk bruă mprăp kơ dŭm mta bruă phŭn msĕ si knăm bi hdơr, ruê̆ kahan. Truh kơ ară anei, ƀuôn prŏng bi leh 8 êpul bruă prŏng, hlăm anăn mâo lu hdră bruă yuôm msĕ si Klei kƀĭn trông bi tuôm hŏng phung knuă druh hđăp, hdră kdŏ mmuñ Lăn čar bŏ hŏng klei mơak, klei kdŏ mmuñ Ênhiang klei êđăp ênang…
Nguyễn Văn Nên mñă kơ jih jang phung knuă duh, phung mă bruă mă jih bruă amâo djŏ mă jih mmông, mlih tuôr mbha gưl čiăng rơ̆ng kơ bruă knuă leh anăn hnơ̆ng tŭ jăk hĭn kơ dŭm mta bruă bi hdơr. Mlam 25/4, ti êlan Lê Duẫn, kdriêk čar mrô 1, ƀuôn prŏng Hồ Chí Minh mkŏ mjing knăm lông ruê̆ kahan gưl knŭk kna mprăp kơ knăm mơak hruê 30/4 kơ anăp.
Viết bình luận