Mơ̆ng thŭn 2020 truh kơ ară anei, hŏng bruă klam jing Khua Anôk bruă bi ala Singapore ti ƀuôn prŏng Hồ Chí Minh, Kho Ngee Seng Roy gĭr nanao hlăm bruă mjing klei găl đru kơ Knŭk kna, anôk bruă duh mkra lehanăn mnuih ƀuôn sang Singapore, đru mguôp 1,5 êklăk USD lehanăn dŭm kdrăp mnơ̆ng yua kơ bruă mdrao mgŭn ti ƀuôn prŏng Hồ Chí Minh hluê Keh vaccine Việt Nam.

Mbĭt anăn bi hgŭm kjăp hŏng dŭm anôk bruă Việt Nam, boh nik Ƀuôn prŏng Hồ Chí Minh mkŏ mjing lu hdră hŏng tač êngao, mjĕ mjuk mnuih ƀuôn sang dua nah, hlăm anăn mâo knăm bi hdơr 50 thŭn hruê mkŏ mjing klei bi mjĕ Việt nam - Singapore, 10 thŭn mkra mđĭ klei bi mjĕ ƀĭng hgŭm phŭn plah wah 2 ala čar. Ñu ăt đru mguôp mkŏ mjing dŭm klei bi tuômyuôm bhăn hŏng dŭm êpul gưl dlông, hlăm anăn mâo klei bi tuôm mâo Khua mil čhil Singapore Halimah Yacob djă akŏ hlăm thŭn 2022. Dŭm klei gĭr mơ̆ng ñu đru mtrŭt mđĭ klei bi mjĕ dua nah hlăm bruă mnia mblei, hiu čhưn ênguê, mjuăt bi hriăm, dhar kreh lehanăn dŭm hdră bi hgŭm hlăm mnuih ƀuôn sang./.