Hlăm hruê kăm tal êlâo Tết Nguyên đán, ti kdrŭn ksĭ Tân Cảng - Cát Lái mơ̆ng knơ̆ng bruă Tân Cảng Sài Gòn drông leh 75 gưl dŭm păn mdiăng mnơ̆ng mnia mblei, hŏng hnơ̆ng êbeh 1 êklăk tôn mnơ̆ng dhơ̆ng, đĭ 9% mkă hŏng wưng anei thŭn dih. Knŏng hlăm mlan hruê 30 tết mâo asăp mtrŭn mkra mnơ̆ng dhơ̆ng, kdrŭn ksĭ drông leh 7 gưl kŭm păn container.

Kluôm hnơ̆ng mnơ̆ng dhơ̆ng suaih dŭ hlăm akŏ yan mnga  ti kdrŭn ksĭ Tân Cảng - Cát Lái hlăm brô 105.000 tôn. Ti hruê 6 tết, ti kdrŭn ksĭ anei mâo 190 gưl mnơ̆ng dhơ̆ng mnia mblei hŏng hnơ̆ng mnia mblei êbeh 9 êklăk 540 êbâo dolar Mi, lu jing boh mnga bruă lŏ hma, mnơ̆ng mơ̆ng kyâo, kan hdang… Hlăm ênoh anăn, knơ̆ng bruă duh mkra mnjia mblei mkŏ klei čih mnia tar rŏng lăn ba čhĭ 2 container  hlăm brô 18 tôn kphê msĕ si kphê soai, kphê hrah, kphê hbei tlư, kphê boh nhau…nao kơ Australia.