VOV4.Êđê - Knơ̆ng bruă sang čư̆ êa ƀuôn prŏng Hồ Chí Minh mrâo mâo hră mơar mơĭt kơ Knơ̆ng bruă sang hră mtô bi hriăm hŏng dŭm knơ̆ng bruă djŏ tuôm kơ bruă tŭ ư hdră êlan mkŏ mjing dŭm hnơ̆ng đru prăk hriăm hră thŭn hriăm 2022-2023 leh anăn dŭm thŭn kơ anăp. Hlue si hră hưn hruê 19/5/2022 mơ̆ng Knơ̆ng bruă sang hră mtô bi hriăm ƀuôn prŏng Hồ Chí Minh kơ hdră mkŏ mjing dŭm hnơ̆ng đru prăk hriăm hră hŏng dŭm sang hră gưl 2 knŭk kna leh anăn êngao knŭk kna mơ̆ng thŭn hriăm 2022-2023 leh anăn dŭm thŭn hriăm kơ anăp ti ƀuôn prŏng Hồ Chí Minh, Knơ̆ng bruă sang čư̆ êa ƀuôn prŏng tŭ ư hŏng klei kčĕ anei, bi tŭ ư hdră êlan mkŏ mjing dŭm hnơ̆ng đru prăk hriăm hră kơ hđeh sang hră knŭk kna leh anăn êngao knŭk kna ti alŭ wăl mơ̆ng thŭn hriăm 2022-2023. Knơ̆ng bruă sang čư̆ êa ƀuôn prŏng Hồ Chí Minh jao kơ Knơ̆ng bruă sang hră mtô bi hriăm gĭt gai, bi hgŭm hŏng dŭm knơ̆ng dhar bruă djŏ tuôm mkŏ mjing hnơ̆ng đru djŏ guôp hŏng dŭm gưl hriăm, êngao kơ gưl sa kñăm bi hrŏ klei hmaĭ ala ƀuôn kyua mkra mlih hnơ̆ng mă prăk hriăm hră hlue si Hdră mtrŭn 81/2021/NĐ-CP mơ̆ng Knŭk kna./.

H’ Zawut pô mblang