VOV4.Êđê - Aguah mbrue (8/4) bruă Đảng ƀuôn prŏng, Knơ̆ng bruă sang čư̆ êa ƀuôn prŏng Cần Thơ mkŏ mjing leh klei bi tuôm phung khua kiă kriê, phung kreh knhâo, lehanăn êpul khua kiă kriê sang yang Yơng Khmer, phung mâo k’hưm ti ƀuôn prŏng Cần Thơ čiăng hơêč hmưi knăm Chol Chnam Thmei lehanăn hưn mthâo kơ jih jang bruă djuê ana thŭn 2021, tă êlan mă bruă kơ thŭn 2022. Thŭn 2021 jing thŭn mâo lu klei dleh dlan, klei lông dlăng kyua yan adiê ngă, lehanăn klei ruă tưp, ƀiădah ƀuôn prŏng Cần Thơ duh leh lu kơ bruă djuê ana hŏng klei djăp ênŭm lehanăn tŭ dưn. Ară anei ƀuôn prŏng hlăk mprăp kơ bruă mđĭ kyar duh mkra dhar kreh, ala ƀuôn ti ƀuôn prŏng, lehanăn mđĭ kyar krĭng mnuih djuê ƀiă hlue hdră ala čar kñăm wưng thŭn 2021 – 2030. Lehanăn hdră êlan djuê ana wưng thŭn 2021 – 2030, tă hdră hlŏng truh kơ thŭn 2045. Anei jing wưng găl čiăng kơ alŭ wăl mâo klei duh mĭn, mđĭ klei hdĭp mda mnuih djuê ƀiă./.

Y-Khem pô mblang