VOV4.Êđê - Hdră êmuh lehanăn wĭt lač klei êmuh ti Anôk bi kƀĭn tal 14 Dhar bruă gĭt gai bruă kƀĭn ala mkŏ mjing hlăm hruê anei (10/08) hŏng kdrêč wĭt lač mơ̆ng Khua phŭn bruă kahan ksiêm Tô Lâm lehanăn Khua phŭn bruă Dhar kreh, mjuăt ktang asei mlei - hiu čhưn ênguê Nguyễn Văn Hùng. Jing pô wĭt lač klei êmuh tal êlâo hlăm anôk bruă kahan ksiêm kơ bruă răng mgang klei êđăp ênang êlan mạng ala čar. Hdră gang mkhư̆, msir mghaih phung ngă soh ba yua kdrăp mrâo, boh nik klei hlăp injin, mplư mplêč, hâo hưn amâo djŏ, bruă hluê ngă Hdră mtrŭn mơ̆ng bruă kƀĭn ala, Dhar bruă gĭt gai bruă kƀĭn ala djŏ tuôm kơ hdră gang mkhư̆ phung ngă soh, boh nik klei soh djŏ  tuôm kơ matuĭ, klei brei čan prăk hŏng ênoh prăk mnga ktrŏ… Hŏng Khua phŭn bruă Dhar kreh, mjuăt ktang asei mlei lehanăn hiu čhưn ênguê, leh dưi ksiêm dlăng klei ruă Covid 19, bruă mâo mnuih ƀuôn sang mđing jing hdră mtrŭn čiăng kơ bruă hiu čhưn ênguê klă sĭt jing hdră duh mkra phŭn./.

H’Nêč pô mblang