VOV4.Êđê - Giăm 100 čô mnuih mă bruă nao hlăm klei hưn brei anôk mă bruă tal 1 thŭn 2022 dưi mkŏ mjing hruê mbruê 15/2 ti anôk bruă hưn brei anôk mă bruă čar Dak Lak. Hlăm gưl hưn brei anôk mă bruă anei, mâo 11 anôk bruă, knơ̆ng bruă nao hgŭm hŏng kluôm ênoh čiăng kơ mnuih mă bruă jing 1.773 čô, lu hĭn jing čiăng kơ phung mă bruă êngiê.

Anôk bruă hưn mdah klei mă bruă čar Dak Lak brei thâo: Anei jing gưl mă bruă tal êlâo hĭn ti thŭn 2022 leh hruê mmông mdei tết kñăm mâo ênŭm hnơ̆ng čoh čuăn čiăng kơ mnuih mă bruă mơ̆ng dŭm knơ̆ng bruă leh anăn klei duah bruă mă mơ̆ng mnuih mă bruă.

Hlăm hruê mmông kơ anăp, anôk bruă srăng lŏ mkŏ mjing dŭm gưl hưn brei anôk mă bruă grăp tuôr leh anăn hiu hưn kñăm bi mguôp hŏng dŭm knơ̆ng bruă hlăm leh anăn êngao čar mâo klei čiăng duah mnuih mnă bruă ti alŭ wăl.

Y-Bel pô mblang