VOV4.Êđê- Djŏ tuôm hŏng bruă čŏng bi rai kmrơ̆ng knŭk kna mkuôm pioh mkra êlan Ngŏ Duôr čư̆ prŏng, Knơ̆ng bruă sang čư̆ êa čar Daklak mrâo mâo leh hră mtă kơ knơ̆ng kiă kriê kahan, mơ̆ng phŭn bruă lĭng kahan mdei klei mă bruă. Čar Daklak akâo kơ knơ̆ng kiă kriê kahan bi mguôp kjăp hŏng dŭm dhar bruă djŏ tuôm čar Daklak ksiêm bi mklă, mghaih msir klei ngă soh êjai mkra êlan Ngŏ Duôr Čư̆ prŏng hlăm dŭm lăn dliê ka mâo ôh klei bi mlih djă yua lăn. lehanăn, knơ̆ng kiă kriê kahan bi pral mâo klei hâo mdah jih jang bruă kơ knơ̆ng bruă sang čư̆ êa čar Daklak lehanăn phŭn bruă lŏ hma kơ klei ksiêm dlăng bi klin jih jang ênoh dliê, mta dliê kñăm bi mlih klei dưi djă yua lăn pioh kơ bruă mkra êlan Ngŏ duôr čư̆ prŏng. Mơ̆ng anăn, mjing knơ̆ng pioh hâo hưn kơ phŭn bruă lŏ hma nga bi leh bruă bi mlih klei dưi djă yua dliê pioh kơ bruă mkăn./.

Pô mblang: Y-Khem Niê