VOV4.Êđê - Bruă sang čư êa čar Kon Tum mâo mâo hră mtrŭn gĭt gai kơ knơ̆ng bruă êlan klông leh anăn dŭ mdiăng mtrŭt bi hmar bruă mkra bi jăk êlan dơ̆ng mrô 24 ti alŭ wăl čar Kon Tum. Hluê anăn, bruă sang čư êa čar Kon Tum mtă kơ knơ̆ng bruă êlan klông leh anăn dŭ mdiăng gĭt gai, bi mguôp hŏng dŭm anôk bruă djŏ tuôm ksiêm, ktuê dlăng anôk ngă bruă, lŏ dơ̆ng gĭt gai, ktrâo lač kơ phung ngă bruă mđĭ hĭn ênoh êdeh êdâo, kdrăp yua, mnơ̆ng mkra êlan, mnuih mă bruă, dưn yua jih hnơ̆ng klei găl yan adiê, mđĭ mông mă bruă čiăng mtrŭt bi hmar klei ngă bruă djŏ hŏng hruê mmông dưi mkra mlih leh anăn brei čan jih hdră kčah ênoh prăk ba jao čiăng rơ̆ng bi leh djŏ hruê mmông leh anăn hnơ̆ng tŭ jăk.

Knơ̆ng bruă êlan klông leh anăn dŭ mdiăng mâo bruă klam gĭt gai, đru kčĕ leh anăn ktuê dlăng dăp mnuih ênŭm mnuih mă bruă, rơ̆ng djŏ hŏng hdră čoh čuăn mơ̆ng hdră mkăp, ksiêm dlăng kjăp klei ngă bruă čiăng hmao mgaih msir mâodah hưn mdah klei kčĕ, klei bi êdah dŭm hdră êlan ƀuah mkra hŏng phung ngă bruă amâo mâo rơ̆ng hnơ̆ng tŭ jăk leh anăn ngă bruă êmưt.

Y-Ƀel pô mblang