Čar Kon Tum mâo êbeh 215 êbâo čô hluê đăo, truh 40% ênoh mnuih hlăm kluôm čar. Dŭm thŭn êgao, Kon Tum mđing ksiêm dlăng lehanăn đru kčĕ kơ gưl mâo klei dưi msiê mghaih dŭm klei čiăng, klei ba mdah djŏ hdră bhiăn mơ̆ng dŭm êpul bruă klei đăo. Mơ̆ng anăn, hdră klei đăo ƀrư̆ hruê ƀrư̆ kjăp, hluê ngă djŏ hdră bhiăn, mnuih ƀuôn sang hluê đăo lŏ nao hgŭm hlăm hdră đru kơ mnuih knap mñai, kơ yang ƀuôn lehanăn hgŭm hlăm hdră bi ktưn khăp kơ ala čar mâo bruă sang čư̆ êa dŭm gưl mtrŭt mjhar…

Blŭ ti anôk bi tuôm, phung khua anôk bruă sang čư̆ êa čar Kon Tum čang hmăng phung khua kiă kriê klei dăo lŏ dơ̆ng mtô mblang, mtrŭt mjhar mnuih ƀuôn sang “Hdĭp jăk, đăo djŏ” mkŏ mkra lehanăn bi kjăp klei hgŭm mguôp jih jang djuê ana, nao hgŭm hlăm hdră bi ktưn khăp kơ ala čar mâo dŭm gưl mtrŭt mjhar./.