Hŏng ênhă dliê hrông ară anei mâo êbeh 547.700ha hŏng êbeh 61.000ha dliê pla, ti lu krĭng wăl ti čar Kon Tum wưng anei mphŭn mâo klei thu krô, huĭ ênưih pui ƀơ̆ng dliê. Ti anăp klei anei Knơ̆ng bruă sang čư̆ êa čar Kon Tum gĭt gai dŭm hdră msir mjêč čiăng gang mkhư̆ klei pui ƀơ̆ng dliê.

Hlue anăn Knơ̆ng bruă sang čư̆ êa čar Kon Tum mtă kơ Knơ̆ng bruă sang cư̆ êa dŭm gưl, êpul kahan ksiêm, lĭng kahan, anôk bruă pla ksu ti lăn dliê leh anăn dŭm anôk bruă pô dliê ksiêm dlăng, ktuê dlăng hdră msir gang mkhư̆ klei pui ƀơ̆ng dliê, pral dăp êpul, kdrăp mnơ̆ng čiăng mdrơ̆ng hŏng klei pui dliê; bi liê prăk alŭ wăl leh anăn dŭm prăk djŏ hdră bhiăn mkăn čiăng rơ̆ng hlue ngă jăk hdră gang mkhư̆ klei pui ƀơ̆ng dliê hlue si klei blŭ “pă tinăn mtam”, bi mklă dŭm krĭng phŭn mâo klei huĭ pui ƀơ̆ng dliê čiăng dăp mnuih mă bruă, kdrăp mnơ̆ng srăng gang mkhư̆ leh anăn hmao msir mgaih dŭm klei pui ƀơ̆ng dliê; mkŏ mjing anôk bruă gak răng, mbha êpul gak răng hlăm yan thu krô…