VOV4.Êđê- Khua knơ̆ng bruă sang čư̆ êa čar Kontum mrâo mâo leh asăp mtrŭn mrô 02 gĭt gai jih jang dhar bruă djŏ tuôm hlăm čar hyuă kjăp bruă răng mgang dliê hălm alŭ wăl kdriêk Kon Plông. Kyuadah tui si knơ̆ng bruă sang čư̆ êa čar Kontum hưn klei bi rai dliê hlăm kriêk hlăk đĭ lar, bi ksĭng mmiă lăn dliê soh hŏng klei bhiăn. Kreh ƀuh klei tlĕ druôm kyâo, ksĭng mmiă lăn dliê, dŭ mdiăng kyâo soh hŏng klei bhiăn... boh nik giăm anei hĭn jing tlĕ druôm truh 26 phŭn kyâo prŏng soh hŏng hdră bhiăn ti čuê mrô 11, đang dliê mrô 486 mâo knơ̆ng bruă sang čư̆ êa wăl krah Măng Đen kiă kriê.

Khua knơ̆ng bruă sang čư̆ êa čar Kontum hgŭm bi ksiêm dlăng jih jang klei ngă soh hmao ƀuh lehanăn mâo mă dŭm ƀĕ kyâo ngă soh, dŭ mdiăng mđuĕ mơ̆ng čuê dliê anăn. Boh tŭ dưn klei ksiêm dlăng ba hâo hưn kơ knơ̆ng bruă sang čư̆ êa čar mghaih msir tui si anôk bruă djŏ tuôm djŏ hŏng hdră bhiăn knŭk kna./.

         Pô mblang: Y-Khem Niê