VOV4.Êđê- Tui si klei tĭng knăl, bruă čhĭ hdang kan kơ ala tač êngao hlăm 3 mlan gưl 2 năng ai srăng đĭ hĭn, lehanăn anăp srăng truh kơ 3 êklai dolar, kyua mâo klei đĭ kyar mơ̆ng jih bruă hdang kan hlăm knhal jih mlan 3 lehanăn mlan 4; 5. Ênoh mâo čhĭ kơ ala tač êngao 4 mlan akŏ thŭn êbeh 3 êklai 600 êklăk dolar, đĭ truh 46,8% mkă hŏng wưng anei thŭn dih. Tui si klei đăo knăl, hlăm 3 mlan gưl 2, klei čhĭ hdang kan kơ ala tač êngao srăng lŏ dơ̆ng đĭ, mơ̆ng dŭm mta hdang, kan tra hlăk mâo anôk čhĭ jăk ti Mi lehanăn China. Êngao anăn, čhĭ mâo ênoh kyua klei kƀah kan hdang hlăm tar rŏng lăn kbiă hriê mơ̆ng klei bi blah Russia - Ukraine, lehanăn ăt jing klei myun mơh kñăm mâo mđĭ klei čhĭ mnia jih jang mnơ̆ng pô mâo klei găl jing hdang kan Việt Nam kơ ala tač êngao./.

         Pô mblang: Y-Khem Niê