VOV4.Êđê - Adŭ bruă ala čar kiă kriê bruă mdrơ̆ng hŏng klei yan adiê ngă mrâo mâo leh hră mtrŭn mơĭt kơ dŭm anôk bruă mdrơ̆ng hŏng klei yan adiê ngă dŭm čar, ƀuôn prŏng mơ̆ng Thưà Thiên huế truh kơ Khánh Hoà, lehanăn Lăn Dap Kngư kơ bruă čŏng mdrơ̆ng hŏng klei amâo mâo jăk mơ̆ng yan adiê ngă msĕ si hjan prŏng, angĭn đrŭng, grăm kmlă, hjan philêr, angĭn ktang êa lip lêč, klưh hroh lăn ala. Boh phŭn kơ hră mtrŭn mtă truh kơ dŭm čar, ƀuôn prŏng bi mđing mgahih msir boh mơ̆ng klei truh tơl ti alŭ wăl kwar Krah tui si klei gĭt gai mơ̆ng Khua knŭk kna hlăm hsră mtrŭn mrô 298. Lŏ dơ̆ng ksiêm dlăng bi kjăp jih jang klei truh tơl mơ̆ng yan adiê ngă, mâo hdră mdrơ̆ng bi pral, kñăm bi hrŏ hĭn klei truh tơl. Tiŏ nao êpul ngă bruă, ksiêm dlănhg dŭm alŭ wăl ktuê hang krông, hnoh êa anôk ênưih lĕ hlăm klei êa lip lêč kluh hroh lăn, čŏng bi mbĕ đuĕ êlâo phung ƀuôn sang tơdah mâo klei amâo mâo jăk truh. Ksiêm dlăng bruă mđuĕ êa răng mgang mnơ̆ng pla mjing./.

Y-Khem pô mblang