VOV4.Êđê - Leh mâo ksiêm dlăng hŏng klei nik jih klei mgei lăn ti kdriêk Kon Plông, aguah mbrue (21/4) Êpul ngă bruă mơ̆ng Dhar bruă ala čar kiă kriê bruă mdrơ̆ng hŏng klei yan adiê ngă mâo leh mmông mă bruă hŏng Anôk bruă mdrơ̆ng hŏng klei yan adiê ngă lehanăn tui duah mnuih luič čar kontum. Hmư̆ klei hâo mdah, khădah klei truh anei amâo mâo ba klei truh jhat kơ mnơ̆ng lehanăn anak mnuih ôh, ƀiădah dŭm klei mgei lăn anăn, mâo klei mgei sui nanao đrông snăn ngă kơ phung ƀuôn sang dôk nanao hlăm klei kdjăt kƀla huĭ hyưt.

Tui si klei bruă sang čư̆ êa kdriêk Kon Plông lehanăn čar kontum lehanăn phung bi ala dŭm phŭn dhar bruă ksiêm dlăng lehanăn hưn, snăn Êpul ngă bruă mơ̆ng Dhar bruă ala čar kiă kriê bruă mdrơ̆ng hŏng klei yan adiê ngă bi lač, êlâo hĭn bi ksiêm dlăng dŭm klei hmăi amâo mâo jăk mơ̆ng klei mgei lăn anei hŏng alŭ wăl. Mđĭ hĭn bruă hâo hưn, mtrŭt mjhar phung ƀuôn sang, bruă sang čư̆ êa ƀuh ya mta klei anăp amâo mâo jăk mơ̆ng klei mgei lăn, kñăm mâo hdră êlan bi rang./.

Y-Khem pô mblang