Hluê si klei čuăl mkă, truh ti thŭn 2050, čar Dak Lak jing čar mâo wăl mnơ̆ng hdĭp, knhuah gru, mkŏ, mbruă, jig anôk khăp čăng, năng hdĭp. Truh ti thŭn 2030, čar Dak Lak jing anôk hriê čuă jăk, iêo jăk phung tuê hiu čhưn ênguê hlăm leh anăn êngao lăn čar, ƀuôn prŏng Ƀuôn Ama Thuôt jing sa kiêng đĭ kyar mơ̆ng krĭng Lăn Dăp Kngư, ñŭ kma leh anăn mkŏ hŏng êlan pŏk mlar hŏng alŭ wăl leh anăn tar rŏng lăn. Blŭ gĭt gai klei kƀĭn trông, k’iăng Khua knŭk kna Trần Hồng Hà bi klă, Dak Lak jing čar yuôm bhăn, boh hŏng klei găl, knhuah dhar kreh lu jơr.

Čuăl mkă čar Dak Lak jing sa knhuang klă klơ̆ng hdră êlan prŏng mơ̆ng Phŭn bruă kđi čar hlăm hdră mtrŭn mrô 23 kơ hdră êlan mđĭ kyar bruă duh mkra ala ƀuôn leh anăn răng mgang klei êđăp ênang krĭng Lăn Dăp Kngư truh ti thŭn 2030, tă hdră truh thŭn 2045.